БЕСА нема да учестува на протестот во недела, лути му се на Заев, не објавил ништо за ДУИ

Движењето БЕСА нема да учестува на протестот во недела бидејќи му се лути на Зоран Заев и СДСМ затоа што не објавиле ништо за ДУИ. Тие ова го соопштија вечерва преку соопштение.

Од БЕСА велат дека дури и по 30 и повеќе објавени прислушувања речиси ништо не излезе за делата на Демократската Унија за Интеграција.

-Ова не тера да се сомневаме дека целта на СДСМ не е спасот на Македонија и изградба на една слободна, демократска и фер држава , но само промена на сопственикот на државата. Ние со жалост констатираме дека и по толку години и по толку многу изјави , СДСМ  ни малку не го смени односот со Албанците, велат од БЕСА.

Затоа сега, кога е направен национален повик за протести, иако Движењето БЕСА  е за измена на оваа власт, Централниот Совет на Движењето БЕСА им се обраќа на нејзиното членство , но исто така и на целото албанско население во Македонија , со следниов став:

–Движењето БЕСА нема да учествува во протестите на 17 мај! Г. Заев досека ништо не изјансил  што ќе промени за албанскиот народ во Македонија. Ние сакаме да знаеме каков е неговиот пристап за редефинирање на Македонија како заедничка држава на албанско-македонски консензус Имајќи го предвид ова, Движењето БЕСА ќе го задржи правото со достоинство да ги претставува албанските интереси во Македонија и нема да дозволи да во ниеден момент Албанците да станат алатки на нејасни агенди. Во меѓувреме, за понатамошните чекори на организација на Движењето БЕСА и за другите предлози за организирање на албанскиот народ, ќе бидете известени во текот на наредните денови, се вели во соопштението.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.