Чавков влезе во министерскиот кабинет (фото)

Новиот министер за внатрешни работи Митко Чавков денеска го презеде кабинетот од претходната министерка Гордана Јанкулоска.

– Го оставам МВР со врвни професионалци и одличен тим – напиша поранешната министерка за внатрешни работи Јанкулоска на својот профил на „Фејсбук“.

Чавков седнува на министерката позиција по оставката на Јанкулоска, а на предлог на премиерот Никола Груевски, кој беше изгласан од страна на Собранието.

Новиот министер за внатрешни работи е искусен човек, вистински професионалец со долгогодишно искуство во Министерството за внатрешни работи.

Работното искуство го почнува во Министерството за внатрешни работи. По завршување на приправничкиот стаж работи како инспектор во УБК, началник на Секторот за криминалистичка полиција во Регионалниот центар на МВР во Струмица, заменик-началник на РЦ на МВР во Струмица, виш инспектор за дрога во МВР, началник на Секторот за криминалистичка полиција во РЦ на МВР во Струмица, самостоен инспектор за финансиски криминал во РЦ на МВР во Гевгелија.

Чавков потоа работел и како главен инспектор за финансиски криминал во одделот за организиран криминал во МВР, началник на одделот за организиран криминал во Централните полициски служби во Бирото за јавна безбедност при МВР, началник на Центарот за сузбивање на организиран и сериозен криминал во Централните полициски служби во Бирото за јавна безбедност при МВР, началник на централните полициски служби во Бирото за јавна безбедност при МВР и директор на Бирото за јавна безбедност при МВР.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.