Состанок на Обама со лидерите од Саудиска Арабија

Американскиот претседател Барак Обама отварајќи го состанокот со лидерите на Саудиска Арабија во Белата куќа изјави дека двете земји ги развивале билатералните односи во период исполнет со голем број предизвици.

Обама беше домаќин на вечерата подготвена за претставниците на Саудиска Арабија, Обединетите Арапски Емирати, Кувајт, Оман и Бахреин.

Средбата која Обама ја имаше со лидерите на Саудиска Арабија покажа дека тоа кралство има клучна улога во регионот, јавија американските медиуми и додаваат дека оваа земја е еден од најгласните критичари на Иран.

Обама требаше да се сретне со саудискиот крал Салман, но Саудиска Арабија соопшти во текот на викендот дека кралот нема да отпатува во Вашингтон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.