Николовски: „Бомбите“ на Заев го урнисаа туризмот

Поразителни бројки во туристичкиот сектор. Ова е резултат на „бомбите“ на Заев и насилните протести.

-Според последните податоци, од 25% раст на бројот на странски туристи, од стартот на „бомбите” на СДСМ и протестите кои се случија минатата недела, како и конфликтот во Куманово, тој падна на 12 отсто или од вкупниот број на туристи регистриран на 7%, само во последните неколку дена се намали на 5%, вели за „Индекс“ на Радио Слободна Македонија Зоран Николовски од Агенцијата за промоција и поддршка на туризмот.

Тој вели дека ова се почетни, но алармантни податоци.

-Имаме информации дека министерството за надворешни работи на Србија апелира до своите граѓани дека е ризично да се патува во Македонија. Од таму се откажани резервациите, но алармираат од нашето туристичко стопанство дека сè повеќе се откажуваат индивидуалните резервации, но сега и организираните групи, вели Николовски.

Чартерите не се организирани, но се уште нема најава за нивно откажување.

Николовски апелира до надлежните да се мобилизираат, а апелираат и македонското МНР – преку дописи до нашите амбасади во странските држави – да информира дека ситуацијата во државата се стабилизира, нормализира и дека безбедноста е на високо ниво.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.