Додека едни се предавале, други пукале – како се ранети македонските полицајци

Шестмина од полицајците што учествувале во акцијата биле ранети на исклучително подмолен начин. Како што изјави синоќа министерката за внатрешни работи, Гордана Јанкулоска, откако добиле знаци дека дел од групата се предава, полицајците тргнале да им пристапат за апсење и за чистење на теренот, објави „Дневник“. Но, во тие моменти, другиот дел од терористите, кои се криеле зад групата што се предавала, отвориле оган кон полицајците.

– Тоа покажува колку овие радикални структури се безмилосни и решителни во своите намери – коментира Јанкулоска.

Според информациите, токму еден од загинатите полицајци кој подлегнал на повредите во болница бил еден од шестемина ранети.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.