Груевски: Ова не беше македонско-албански судир, туку судир на лица кои не и мислат добро на државата

Груевски потенцираше дека овде не се работи за македонско-албанско судир, туку за судир помеѓу, од една страна луѓе кои не и мислат добро на држава, и од друга страна луѓе кои ја штитат.

„Во текот на вчерашниот ден имаше некои медиум и поединци кои пуштаа шпекулација и невистини а кај добар дел имаш обид да се навлече гневот на граѓани Албанци на Македонија, но граѓаните Албанци не наседнаа на провокациите. Ова не е македонско албанско судир туку судир на лица кои не и сакаат добро на државата и нејзините граѓани и на лица кои ја чуваат државата, уставот и уставниот поредок и безбедноста на сите граѓани. Нивното дејствување носи само штета како за Македонија, така и за Албанците во Македонија и во регионот“, порача Груевски.

Премиерот исто така информираше дека досега биле пронајдени 14 тела за кои се претпоставува дека им припаѓаат на терористичката група, во која според сознанијата имало лица кои учествувале во терористичкиот напад врз полицискиот објект во Гошинце и кои биле учесници во уште неколку конфликти досега, делумно во овој регион а делумно и на Блискиот Исток.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.