Македонските полицајци откриле и уништиле еден автомобил-бомба

Во текот на вчерашната анти-терористичка операција во “Дива Населба“ во Куманово, македонските полицајци откриле и уништиле еден автомобил-бомба, полн со разорен експлозив, потврдуваат извори од безбедносните служби.
Ова ги потврдува оперативните сознанија на безбедносните служби дека дел од планот на терористичката група било и изведување на терористички акции со цел да се предизвикаат што повеќе човечки жртви и паника кај населението, како дел од планот за дестабилизација на државата.

Имајќи во предвид дека во текот на вчерашниот ден беше планирано да се одржи фудбалскиот натпревар Шкендија-Вардар, а за денес беше планирано одржување на Скопскиот маратон, како и фактот дека недела во Куманово важи за пазарен ден, повеќе од оправдано е дејството на безбедносните сили за разбивање на терористичката група.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.