ОНА ја презеде одговорноста за нападот во Куманово

Ослободителната национална армија(ОНА) ја презема одговорноста за нападите врз македонските полициски сили во сабота наутро во Куманово.

„Во тековната борба за слобода и национално достоинство, силите на Ослободителната народна армија во раните утрински часови на 9 мај 2015 година, ја нападнаа македонската полиција, која со денови врши терор врз цивилното население“, се вели во Комуникето број три на ОНА, што го објави приштински Botasot.

Понатаму се додава дека акциите во иднина ќе станат уште пожестоки.

Засега нема официјална потврда за автентичноста на Комуникето, кое е потпишано од портпаролот на ОНА од Гостивар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.