Четворица тешко повредени полицајци се донесени во кумановската болница, вели д-р Драган Тасевски за „Плусинфо“. Според доктор Тасевски сите се во тешка состојба.
Според неофицијални информации утрината биле донесени тројца полицајци со прострелни рани од огнено оружје и се испратени во Клиничкиот центар во Скопје. Пред малку е донесен уште еден полицаец, повреден со шрапнел. И тој најверојатно ќе биде пренесен во Скопје.
Сите влезови на Клиничкиот центар во Скопје, пак, се под силно полициско обезбедување на специјалните сили , јавува „Телма“.
Блокиран е главниот влез во болницата, каде што се очекува да бидат донесени петмината ранети во акцијата што утринава околу 4 часот почна да ја спроведува полицијата во потрага по неидентификувана вооружена група која се сомничи дека стои зад нападите на караулата во Гошинце.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
