Поради насилство врз новинарите, дел од медиумите ги спуштија камерите (фото)

Дел од медиумите денеска во знак на протест на насилствата врз медиумите организирани од СДСМ му спуштија камера на лидерот на СДСМ, Зоран Заев, пред почетокот на прес-конференцијата. Новинарот Љупчо Златев од телевизија „Сител“ во името на сите новинари што биле нападнати и исвиркани му го предаде Уставот на Република Македонија на Заев.

Ваквиот чекор на новинарите и на снимателите доаѓа откако изминатиов период низа новинари и сниматели се мета на напади од страна на опозицијата или луѓе блиски до неа.

Во текот на вчерашниот ден беа нападнати главниот и одговерен уредник на „Вечер“ и заменик-главен уредник на телевизија „Сител“, Ивона Талевска, и снимателите на телевизијата од страна на членови и симпатизери на опозицијата кои вчера протрестираа пред Собранието. Воедно, Радио Слободна Македонија беше демолирано од страна на демонстрантите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.