Вечерва 50. изведба на претставата „Парите се отепувачка“ во МНТ

Вечерва, 5 мај со почеток во 20 часот на малата сцена ќе биде одиграна 50. изведба на претставата „Парите се отепувачка“, надридрама инспирирана од драмата на Ристо Крле и романот Деветта конфигурација на Вилијам Питер Блативо во режија на Бојан Трифуновски.

Претставата премиерно беше одиграна на 03 декември 2011 година, а минатата година гостуваше на Меѓународниот театарски фестивал „ФИАТ“ во Подгорица, Црна Гора и на „Денови на МНТ“ во Кратово и Струга – по повод 115 години од раѓањето и 40 години од смртта на Ристо Крле.

Во претставата играат: Драгана Костадиновска – Барбара/Мара, Славиша Кајевски – Јован/Анѓеле, Софиа Насевска Трифуновска – Хана/Ката, Гораст Цветковски – Митре/Владимир.

Цената на билетот изнесува 150 денари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.