Деновиве ќе бидат објавени прашањата за екстерното тестирање

Учениците ги очекуваат новите прашања што ќе бидат на екстерното тестирање на крајот на оваа учебна година. Тие прашуваат зошто од интернет-страницата се тргнати прашањата што биле дел од минатогодишните тестирања и во моментов нема никакви прашања за тестот што ги очекува.

Од Министерството за образование велат дека се извлекуваат прашањата за тестовите за оваа учебна година, а деновиве на веб-страницата ќе ги објават новите прашања.

–Учениците годинава ќе имаат нови тестови, кои нема да бидат идентични со тие што се полагале минатата година. Има базен од прашања, од кој ќе бидат извлечени новите прашања. Може да се случи да се извлече некое прашање што било извлечено и минатата година, односно го имало на тестовите, но сепак, се работи за нов тест – појаснуваат од Министерството за образование.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.