Повеќе од 5.800 имигранти, кои се обиделе да го преминат Медитеранот и да стигнат во Европа се спасени во текот на викендот со бродови во близина на либиското крајбрежје, а пронајдени се десет тела на починати имигранти, соопшти денеска италијанската Крајбрежна стража и морнарица.
Само вчера се спасени над 2.150 имигранти, се вели во соопштението.
Во најверојатно најголемата операција на спасување на имигранти досега, која ја координираше Италија учествуваа десет италијански бродови, четири приватни и еден француски брод во име на Европската агенција за контрола на границата.
Сите спасени имигранти во текот на викендот се транспортирани до брегот на Италија, некои до јужниот остров Лампедуза, а други до местото Трапани, на Сицилија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
