Интензитетот на сообраќај на патните правци надвор од градските средини е зголемен, а на граничните премини од македонска страна нема подолги задржувања за влез и за излез од државата, соопштува АМСМ. Следуваат низа корисни информации за оние кои патуваат.
Поради појава на свлечиште на патниот правец А3 Прилеп – Ресен, на обиколницата на Битола, сообраќајот е сеуште во прекин. Возилата се пренасочуваат низ градот Битола.
Од 27 април на клучките Петровец и Катланово во функција е нов режим на сообраќај. Кај клучка Петровец исклучувањето и приклучување на автопатот А4 кон и од Петровец, на патниот правец Скопје – Велес, ќе се врши пред наплатна станица Петровец.
Исклучувањето и приклучувањето на автопатот А4 кон и од Петровец, пак, на патниот правец Велес – Скопје, ќе се врши после наплатна станица Петровец.
Се известуваат корисниците на автопатот дека сите возила кои поминуваат низ наплатна станица Петровец треба да плаќаат патарина, освен возилата кои се ослободени од плаќање патарина согласно Законот за јавните патишта. Возилата кои нема да платат патарина ќе бидат третирани како возила кои одбиле да платат патарина и за нив ќе бидат применети казнените одредби од Законот за јавните патишта.
Сообраќајот на сите останати државни патишта се одвива по суви коловози, соопштуваат од АМСМ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
