САД и Јапонија се глобални партнери кои се „залагаат за безбедност и човечко достоинство во целиот свет“, истакна претседателот на САД Барак Обама во воведниот говор на заедничката прес-конференција со премиерот на Јапонија Шинзо Абе по разговорите одржани во Белата куќа, пренесува ТАСС.
Според зборовите на американскиот претседател, Вашингтон и Токио заеднички се „спротивставуваат на руската агресија во Украина, му пружаат помош на цивилното население на кое му се заканува Исламската држава, се борат против ширењето на вирусот ебола, а сега му нудат помош на населението на Непал“.
Меѓу другите приоритети Обама истакна дека САД ја поддржуваат Јапонија во спорот поради островот Сенкаку со Кина и се залагаат за мирна денуклеаризација на Корејскиот полуостров.
Премиерот Абе од своја страна истакна дека Токио го поздравува свртувањето на Вашингтон кон Азија. Тој изрази увереност дека заедничкиот „потенцијал за одвраќање“ ќе продолжи да јакне.
Извор: Руска реч
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
