Нов претседател на организацијата „Обединети Македонци“ од Торонто е Мендо Бакаловски, кој на чело на организацијата ќе биде во следните две години, а за секретар е избрана Елизабета Медичкова.
Бакаловски и Медичкова се избрани на последните избори што се одржаа во просториите на соборниот храм на Македонската православна црква „Свети Климент Охридски“ во Торонто.
Бакаловски потекнува од селото Драгош, Битолско. Неколку пати бил претседател на организацијата „Обединети Македонци”, како и на македонската православна црква „Свети Климент Охридски”.
Обединети Македонци е прва национална институција во македонската дијаспора која ги собра Македонците од Торонто и пошироко од Канада и САД.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
