Ѓорги Спасов со „Рејтинг“ и Жерновски лажеа за Центар

83 проценти од граѓаните на Центар ќе гласале за тоа ГТЦ да го задржи автентичниот излед – покажаа резултатите на агенцијата на Ѓорги Спасов, „Рејтинг“ пред три дена. Тие посочуваа дека има плус 15 % раст на поддршката на референдумот меѓу граѓаните на Центар. Но денеска граѓаните на Центар не се изјаснија дека се за задржување на сегашниот изглед на скопскиот ГТЦ. И овојпат, како и на изборите, анкетата на Спасов е целосно промашена. Огромното мнозинство на граѓани не ја поддржа иницијативата на Жерновски и СДСМ. Излегоа само 40 проценти од Центарци. Тие се незаинтересирани за инцијативата на опозицијата.

Иако агенцијата „Рејтинг“ во анкетата вели дека маргиналната грешка е плус минус 3 проценти, очигледно дека промашувањето кое го направија е двоцифрено. Дали се работи смислено манипулирање со анкетите и лажење на јавноста или пак ќе кажат дека примениле погрешна методологија.

„Рејтинг“ на Спасов на последните претседателски избори прогнозираше победа напретседателскиот кандидат Стево Пендаровски, кој загуби убедливо од Ѓорге Иванов. Потоа следеше скандалот од кој се виде дека „Рејтинг“ во јавноста пушта набилдани анкети и погрешни бројки во корист на СДСМ и дека ќе ги загуби изборите со огромна разлика лидерот на СДСМ Зоран Заев знаел и пред истите да се реализираат. Анкетата којa за внатрепартиски потреби непосредно пред изборите ја изготвила агенцијата „Рејтинг“ покажала дека актуелниот претседател Ѓорѓе Иванов убедливо води пред Стево Пендаровски. Дали и овојпат „Рејтинг“ направил двојни анкети, една онаа што е пуштена во јавноста со неточни податоци и една веројатно за внатрепартиските потреби во кое се предвидува дебалкот на опозицијата во Центар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.