Џихадистичката група Исламска држава (ИД) ја презеде одговорноста за денешната експлозија на автомобил-бомба пред американскиот Генерален конзулат во административниот центар на Ирачки Курдистан, Ербил. Во нападот загинаа најмалку три лица, а пет беа ранети.
На Твитер претставници на ИД објавија дека нејзини борци успеале да ја активираат бомба пред заградата на американскиот конзулат во Ербил.
Според очевидци, по експлозијата избувнал пожар кој зафатил неколку возила паркирани во близина.
Од американскиот Конзулат соопштија дека при експлозијата нема жртви меѓу вработените и обезбедувањето на објектот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
