На 17.4.2015 година, во 1.00 часот во нива во скопското село Студеничани, од страна на пет лица, облечени во маскирни униформи, била запрена група од 18 илегални мигранти од Сирија и под закана со огнено оружје од нив одземени биле 335 евра, 8.000 денари и 2 мобилни телефона.
За време на разбојништвото, соопшти денеска МВР, употребено било и огнено оружје од страна на едно од петте лица и притоа повреден е еден од сириските државјани во пределот на левата надколеница и истиот се здобил со телесни повреди. Веднаш потоа, од страна на сириските државјани било совладано лицето што пукало, му било одземено оружјето и бил предаден во полициска станица. Се работи за Б.Ш.(20) од село Студеничани. Повредениот сириски државјанин со возило на ИМП бил пренесен во УЦ-Скопје, каде што му се констатирани телесни повреди и е задржан на натамошно лекување. За Б.Ш. по брза постапка ќе биде поднесена соодветна кривична пријава, додека, пак, по другите лица интензивно се трага.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
