Две лица се убиени, а петмина се ранети во престрелка во добротворна организација во истанбулскиот кварт Гултепе, соопшти весникот „Акшам“.
Непознати лица синоќа упаднале во зградата и почнале да пукаат. Вработените во организацијата возвратиле на огнот и почнала престрелка во која седум лица се здобиле со прострелни рани.
По сигнализирање на локални жители на местото на инцидентот биле испратени полициски и медицински екипи. Ранетите биле однесени во
болница, но и покрај напорите на лекарите двајца од нив починале.
Според досега достапни информации, повод за пукањето е непријателството меѓу членови на добротворната организација и напаѓачите.
Полицијата почна истрага и во врска со инцидентот досега приведе 24 лица.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
