Едни од најскапите јахти во светот се во сопственост на милијардерите Роман Абрамович, Пол Ален и др.
Погледнете ги најубавите јахти на ѕвездите:
Ерик Клептон, „Ва Бене“
Музичарот ја купи оваа 47-метарска јахта од шефот на Формула 1, Берни Еклстоун. Таа се проценува на 9 милиони фунти. Има еден голем стан и 4 помали. На неа можат комотно да се забавуваат 12 лица.
Нејмар, „Надине“
Фудбалерот е љубител не само на автомобили, туку и на јахти. Ако на 16-годишна возраст потпишете договор на 1 милион долари, кога ќе имате 23 години, сигурно ќе можете да си дозволите ваква прекрасна јахта. Нејмар е највисокоплатениот фудбалер од Бразил. Неговата јахта чини 15 милиони долари. Таа има 4 апартмани, џакузи и многу простор за забава. Таа го носи името на неговата мајка, Надин. Одржување на јахтата годиншно го чини половина милион долари.
Џони Деп, „Вајолироја“
Тоа е комбинација на класичен дизајн со технологија по последна мода. Долга е 47 метри и е произведена во Турција. Ако се прашувате од каде доаѓа ова чудно име, Деп ги користел првите две букви од имињата на најважните луѓе во неговиот живот.
Долче и Габана, „Реџина д’ Италија“
Доменико Долче и Стефано Габана се меѓу најбогатите модни дизајнери во светот. Нивната јахта е долга 61 метар. Има капацитет за 12 патници и 10 членови на екипажот. Располага со спа-центар, базен, џакузи, многу простор за забави, гумена лизгалка. Токму на оваа јахта двајцата дизајнери прават одлични забави.
Роберто Кавали, „Роберто Кавали“
Уште еден моден дизајнер со импресивна јахта. Таа го носи неговото име, а нејзината цена е 40 милиони долари. Долга е 41 метри, а на неа има 15 спални, џакузи и бар. Кавали на неа има покането многу познати личности.
Шон Диди Кобс, „Д Мараја“
Пи Диди обожува да прави забави на јахтата, а неговите ВИП гости не е потребно да си заминуваат, тие можат да се сместат во луксузните спални.
Џорџо Армани, „Мејн“
Јахтата е долга 65 метри и е изграден од „Кодеказа“. На јахтата има 7 апартмани и соби за екипажот. Армани ја користи јахтата за забави и за фотосесии.
Стивен Спилберг, „Седум мориња“
Таа се проценува на 200 милиони долари и е најскапата јахта на оваа листа. На јахтата има инфинити базен, фитнес, спа-центар, простор за слетување на хеликоптер, кино, канцеларија, џакузи. Ѕидот на базенот може да се трансформира во екран на кој може да се гледа филм. Јахтата е долга 86 метри и има капацитет за 12 гости и 26 членови на екипажот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
