Последното британско истражување покажа дека повеќето жени ги користат воздишките за време на сексот за да манипулираат со својот партнер.
Студијата спроведена на Универзитетот во Лидс, во која учествуваа повеќе од 70 жени на возраст од 18-48 години, покажа дека жените свесно се обидуваат да влијаат на однесувањето на партнерот за време на сексот со испуштањето одредени гласови, но не за да им дадат до знаење дека уживаат во сексот.
Во прашалникот што го пополнувале, дамите ги карактеризирале видовите звуци со кои се служат.
Звуците варираат од целосна тишина, до воздишки, стенкање, викање, зборови што го вклучуваат името на партнерот или „Да!“, или зборови како „посилно!“ или „повеќе!“.
Потоа ги прашаа зошто ги испуштаат таквите звуци и дали тогаш постигнуваат оргазам.
„Жените користеле вокализација за да ја забрзаат ејакулацијата на партнерот поради здодевност, замор, непријатност или временско ограничување“, објаснуваат водачите на истражувањето.
Со други зборови, љубовните и страствени звуци на жените не се доказ за нивното губење на контрола и уживање, туку манипулација.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
