Ограбени четири цркви во Гостиварско, украдени 1.300 денари

Непознати сторители во изминативе денови ограбиле четири цркви во подшарпланинските села во Гостиварско. Украдени се околу 1.300 денари, прилози од верниците, и причинета е материјална штета од околу 9.000 денари

Според СВР Тетово, во селата Лешница, Долно Јеловце и Печково, во периодот од 2 до 4 април со насилно отворање на влезните врати било провалувано во објектите и од кутии за прилози биле одземени пари.На мета на крадците биле црквите „Св. Никола“ во Печково, „Св. Ѓорѓија“ и манастирската црква во Долно Јеловце и „Св. Никола“ во Лешница. Сите четири кражби се извршени на речиси идентичен начин и најверојатно од исти лица.

Полицијата изврши увид и презема мерки за расветлување на кражбите во верските објекти во Гостиварско.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.