И годинава полошките земјоделци ќе добијат нови 5 милиони евра за субвенции

-Земјоделците се нашиот стратешки партнер кој секогаш ќе го има нашето полно внимание. За помош при купување на земјоделска механизација и за изградба на локална инфраструктура во селата инвестиравме 2 милиони евра. Во тетовско-гостиварскиот регион во изминатите години земјоделците добија над 30 милиони евра субвенции, односно по околу 5 милиони евра годишно. И оваа година полошките земјоделци ќе добијат нови 5 милиони евра за субвенции – посочи премиерот Никола Груевски на денешниот народен собир на ВМРО-ДПМНЕ во Тетово.

Значајно за овој регион, според Груевски, е и тоа што веќе започнаа активности за изградба на Хидросистемот Равен-Речица со кој ќе се овозможи наводнување на нови 3 200 хектари земјоделско земјиште и вредност на инвестицијата од 19 милиони евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.