Снег во април

Утрово нов снег на падините на Водно. Снежно утро имаа и жителите на Сопиште. Според метеролозите, времето претпладне во Македонија ќе биде претежно облачно со повремен локален дожд, а на планините повремен снег. Попладне облачноста ќе се намали и врнежите ќе престанат. Ќе дува повремен умерен, на моменти засилен ветер од северозападен правец. Утринската температура ќе се движи од минус еден до пет, а дневната од седум до 13 степени.

Во Скопје времето претпладне ќе биде претежно облачно, но попладне променливо облачно со сончеви периоди и со умерен северозападен ветер.

Утринската температура ќе се спушти до два, а дневната ќе се искачи до 11 степени.

В сабота времето ќе биде сончево со мала до умерена локална облачност, но в недела се очекуваат нови врнежи од дожд.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.