Ќе се гради нова градинка во Бардовци

Советниците на Општина Карпош денеска, на 33-та седница, едногласно донесоа одлука за изградба на нова градинка на територијата на Карпош.

Градинката ќе биде дел од училишниот двор во ООУ „Аврам Писевски“ во Бардовци, со што ќе им се помогне на родителите од тоа населено место да бидат згрижени нивните деца и да се социјализираат.

Општина Карпош соопшти дека се исполнети условите за изградба и дека проектот ќе се реализира во наредниот период.

На денешната седница е усвоена и одлука за меѓуопштинска соработка помеѓу Град Скопје и општина Карпош за изградба и одржување на јавно осветлување околу локалитетот Етно Село.

– Инвестирањето во светилки и поставување е во доменот на Градот, а Општината ќе плаќа дел од електричната енергија, со тоа што за возврат очекува туризмот во овој дел од Општината да се искачи на повисоко ниво, особено во летните месеци од годината, информира Општина Карпош.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.