Крузерот „Коста Конкордија” превезувал голема пратка кокаин

Италијанскиот крузер „Коста Конкордија“, кој претрпе бродска несреќа во 2012 година, превезувал голема пратка кокаин на мафијата Ндрангета.
Весникот „Република“ добил снимка на разговор меѓу членови на Ндрангета, од која станува јасно дека член на екипажот помогнал наркотикот да биде сместен на бродот.

„Криминалниот товар не бил откриен по несреќата на бродот“ – додава „Република“.
Мафијашите ги искористуваат луксузните бродови на компаниите „Норвиџиан круиз лајнс“ и „МСЦ Круизиз“, кои пловат меѓу Европа, Северна Америка и Карибите, за да пренесуват наркотици, пишува весникот.

„Коста Конкордија“ пловаше во Средоземно Море со 4.200 патници и членови на екипажот, кога на 13 јануари 2012 година се удри во подводна карпа во близина на островот Џилио. Во несреќата загинаа 32 лица, напоменува ТАСС.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.