Швајцарците гласаат на интернет за нова национална химна

Швајцарците гласаат по електронски пат за нова национална химна. Од денеска тие ќе може да изберат меѓу шест изведби, достапни на страницата www.chymne.ch.

Гласовите од интернет ќе сочинуваат 50 проценти од изборот. Другите 50 проценти ќе се утврдат од гласовите на жири од околу 30 лица, музички експерти, новинари и членови на спортски друштва.

Конечниот избор на јавноста ќе биде познат на 12 септември, откако политичките институции ќе одлучат дали да го прифатат или не.

Властите објавија национален конкурс, на кој учествуваа 208 предлози, од кои специјално жири одбра шест. Тие се претставени на четири национални јазици германски, француски, италијански и реторомански.

Првиот круг на гласањето ќе трае до 15 мај, кога ќе бидат одредени тројца финалисти. Вториот круг од гласањето на интернет ќе се одржи од 8 јуни до крајот на август, а финалето ќе биде на 12 септември. Авторите на делата ќе бидат познати откако ќе биде прогласен победникот. Националната химна на Швајцарија датира од 1841 година. 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.