Ракитиќ: Хрватска мора да ја поправи играта и покрај победата од 5:1

Хрватскиот фудбалски репрезентативец Иван Ракитиќ изјави дека мора да биде задоволен од триумфот на „коцкестите“ од 5:1 над Норвешка, но и дека неговата репрезентација ќе мора да коригира одредени сегменти од играта.

– Се чуствувам одлично по една ваква голема победа, остварена пред повеќе од дваесетина илјади навивачи. Но, не одигравме најдобро што можеме и сметам дека одредени работи ќе гора да се поправат, изјави Ракетиќ.

Хрватска по пет одиграни натпревари во квалификациите за Европското фудбалско првенство во Франција во 2016 година, е на првото место во групата Х со учинок од четири победи и еден нерешен резултат, односно вкупно 13 бодови, пред Италија која има 11 и Норвешка со 9.

– Се оди во добар правец, но не чека уште многу работа. Ништо не е готово и тоа не смееме да го заборавиме во месеците кои следуваат. Немавме добар ден во саботата, но покажавме дека и со таква игра можеме убедливо да славиме победа. Млади сме и гладни за успех. Мислам дека сме на прав пат да направиме голем успех, изјави фудбалерот на Барселона и хрватската репрезентација Иван Ракитиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.