Копилотова тајна – Ги цепкал „лудачките докази“ на парчиња за болеста која ја криел

Германски обвинители објавија  дека откриле докази според кои најмладиот пилот на „Џерман винс“, осомничен дека извршил самоубиство или убиство со умисла и намерно го урнал авион со 150 патници, бил болен.

Тие не откриваат што е болеста на Андреас Лубиц, но објаснуваат дека тој ја прикрил од работодавците.

– Конфискувани документи со медицинска содржина покажуваат дека имал болест и ни покажуваат кое било лекувањето од страна на лекарите – велат од обвинителството во Диселдорф, каде што живеел.

„Фактот дека постојат цепкани на парчиња болнички листови, во кои меѓу другото е кажано дека тој не е во состојба да работи – сосема нови и дури на денот на злосторството – ја одржуваат верзијата од прелиминарната истрага, дека тој ја криел болеста од работодавецот и од своите колеги“.

Обвинителите дополнуваат дека документите се откриени при претресите во станот на Лубиц во Диселдорф и неговиот дом во Мантабаур во провинцијата Рајнска област-Пфалц.

Според нив, нема знаци за какви и да е политички или религиозни мотиви зад активностите на пилотот на „ербас А320“ од летот 4U9525, кој во вторникот се урна во француските Алпи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.