Уапсени пет џихадисти во Австрија

Австриската полиција уапсила пет осомничени џихадисти во Виена и во Кремс. Во Кремс се уапсени двајца азиланти од Чеченија, Сослан Д. (28) и Шемил К. (31) кои летото во 2013 година и во септември 2014 година ја напуштиле Австрија и се бореле на страната на Исламската држава во Сирија и во Ирак. Засега не е јасно зошто се вратиле.

Специјалните единици на австиската полиција „Кобра“ упаднале во становите на уапсените, каде што заплениле компјутери и воздушен пиштол. Речиси во исто време во Виена се уапсени двајца мажи и жена од Чеченија. И овие се уапсени под сомневање за учество во терористичка организација. Според првите информации, тие не биле џихадисти-повратници, туку регрутирани терористи кои имале намера да заминат во џихад во Сирија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.