Дождот продолжува и утре

Времето утре во Македонија ќе биде променливо облачно со локален повремен дожд. Кон крајот на денот и во вечерните часови се очекуваат пообилни врнежи на повеќе места. Локално ќе има и појава на пороен дожд проследена со грмежи и засилен ветер. Ќе дува умерен ветер од југоисточен правец.

Утринската температура ќе се движи од три до 10, а дневната од 12 до 17 степени.

Во Скопје времето ќе биде променливо облачно. Кон крајот на денот и во текот на ноќта се очекува повремен дожд. Ќе дува умерен ветер од југоисточен правец. Утринската температура ќе се спушти до седум, а дневната ќе се искачи до 16 степени.

До сабота ќе се задржи претежно облачно време со врнежи од дожд. Пообилни врнежи се очекуваат утре, но и во петок претпладне кога локално ќе бидат и со пороен карактер проследени со грмежи. Во овој период ќе дува умерен повремено и засилен југоисточен ветер, а во сабота ветерот ќе го промени правецот во северен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.