Првиот човек на ЗНМ го оправдува цензурирањето на емисијата на Ефтов

Првиот човек на Здружението на новинари на Македонија, Насер Селмани, преку својот фејсбук рофил даде поддршка на цензурата на емисијата на Васко Ефтов, „Во Центар“. Иако се очекуваше тој да ја осуди цензурата на главниот и одговорен уредник на Алсат-М телевизија Мухамед Зекири, Селмани го брани Зекири.

Во својата одбрана кон Зекири, Селмани крајно непрофесионално, на моменти и дрско го напаѓа Ефтов за чија емисија вели дека била непрофесионална и скандалозна затоа што косовската војна во 1999 година, Ефтов еднострано ја пренел базирана само на српската пропаганда, каде што фалеле албанските протагонисти, косовските Албанци.

Селмани забележува дека екс-шефот на воената српска тајна служба, Стефан Ѓоровиќ, во емисијата на Ефтов се обидел „херојот на војната во Косово да го претстави како маженце, кој за да го спаси својот живот облеколнародна носија“.

-Eфтов му даде можност на поранешниот шеф на српската воена разузнавачка служба, Стеван Ѓоровиќ, да ги дезинформира, навреди и да ги исплакне мозоците во Македонија раскажувајќи им лаги со опашка за антиалбанската пропагандата за војната во Косово.Ќе споменам само некои од најмонструозните антиалбански тези на Ѓуровиќ презентирани во текот на емисијата. Првото беше поврзана за смртта на националниот херој Адем Јашари во 1998 година. Херојот од војната на Косово се обиде да им го престави на Албанците како мажуле кои демек за да го спаси сопствениот живот облекува народна носија…Со овие лаги Ѓуровиќ и Ефтов има многу јасна цел – да ја потценуваат војната за слобода на косовските Албанци и да ги претстават нив како соработници на српската држава, како и неспособни да направат своја држава – напиша Селмани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.