Наоружени лица ја опколија зградата на украинската нафтената компанија „Укрнафта“ во Киев, пренесуваат локалните медиуми.
Според извештајот на украинскиот телевизиски канал 112, лица во воени униформи со пушки и пендреци прават ограда околу зградата.
-Влезовите се блокирани од лица со оружје. По долгиот разговор, еден од нив кој носеше црн шлем рече дека се од батаљонот Днепер-1. Тој одби да каже зошто батаљонот за територијална одбрана ја опколи зградата во Киев – напиша Сергеј Лешченко, од блокот на претседателот Петар Порошенко, на својот фејсбук профил.
Најголемата украинска нафтена компанија „Укрнафта“ произведува 86 отсто нафта и 28 отсто гас во Украина.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
