Италијанската полиција покрена широка истрага во повеќе градови на Италија, меѓу кои се и Милано, Рим и Фиренца, околу корупцијата и симневањето за подмитување кај распишаните тендери за изградбата на разни јавни проекти, а пред се, за изградба на делници за италијанскиот воз со голема брзина ТАВ.
Во соопштението на полицијата се вели дека засега се уапсени четири лица,како и дека се извршени бројни рации и претреси на повеќе локации во низа градови во Италија.Еден од уапсените е поранешниот директор во Министерството за јавни работи,Ерколе Инкалца,а под истрага се ставени сите досега направени договори за изградбата на железничката и патната мрежа, вклучувајќи ги и ТАВ возовите, во поблиската и подалечна околина на Фиренца.
Полицијата откри дека како осомничени се водат 51 лице,меѓу кои има и политичари.Како еден од осомничените се води и поранешаниот пратеник на Европскиот Парламент, Вито Бонсињоре.
Освен за тендерите за реализацијата на разни крупни јавни проекти,со истрагата е опфатен и договорот за изградба на италијанскиот павилјон на Експо 2015 во Милано.
За сите договори што се постигнати за изградбата на низа сообраќајни и други проекти,наменети за јавни потреби,италијанската полиција се сомнева дека се направени со давање и примање поткуп.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
