Облачен мартовски четврток

Утрово низ земјава преовладува облачно време. Слаб снег паѓа на Попова Шапка и на Маврово. Минималната температура која УХМР утринава ја измери е следнава:
-4°С Лазарополе, Маврово
-3°С Берово, Крушево

-2°С Битола, Демир Капија, Прилеп
-1°С Крива Паланка, Охрид, Тетово

0°С Скопје (А. Петровец), Штип, Претор, Виница
2°С Скопје (З.Рид)

3°С Струмица
4°С Гевгелија

Според Метеопро до крајот на денот ќе се задржи облачноста низ земјава, а повремено и локално се можно сосема слаби врнежи низ котлините во земјава. Слаб снег повремено ќе паѓа  на планините, особено во западниот регион. Во текот на денот температурата ќе има највисока вредност 10 Целзиусови степени, но во југоисточниот крај. Другите краишта очекуваат максимална температура од 8 Целзиусови степени. Посвежо ќе биде на повисоките места со максимална до 5 Целзиусови степени.

Во скопската котлина ќе преовладува облачно време со повремени сончеви периоди, но и услови за слаб и краткотраен дожд. Максималната температура ќе има вредност 9 Целзиусови степени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.