Три групи бродови од руската Северна флота утрово впловија во Колски Залив за проверка на воената готвеност, соопшти портпаролот на руското Министерство за одбрана.
Едната група е составена од големиот брод за борба со подморници и два помали за поддршка на авијацијата на Северна флота, кои трагаат по наводни непријателски нуклеарни подморници во ренот на Баренцово Море.
Проверка на воената готовност денеска е извршена и на морската пешадија од составот на Северна флота.
Во воените вежби што почнаа вчера покрај припадници на Северна флота учествуваат и некои единици на Западниот воен округ и военовоздухопловните сили. Во воените вежби учествуваат 38.000 војници, 3.360 единици воена техника, 41 воени бродови, 15 подморници, како и 110 авиони и хеликоптери.
Воени единици на Балтичката флота, на Јужниот воен округ и на воздухопловнодесантните војски се во зголемена воена готовност во рамките на стратешко командно-штабната вежба, соопшти руското МО.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
