Граѓаните масовно кон „Борис Трајковски“ (ФОТО)

Граѓаните веќе започнаа масовно да се собираат за најавена трибина на владејачката ВМРО-ДПМНЕ во спортскиот центар „Борис Трајковски“, која ќе започне точно напладне и на која ќе се обратат лидерот на партијата и премиер Никола Груевски и други нејзини членови.

На еден час до почетокот на трибината, голема број граѓани веќе можат да се забележат во и околу Градскиот парк, од каде ќе се упатат кон спортскиот комплекс. Реки од народ веќе се упатуваат кон овој дел од градот, а очекувањата се дека ќе присуствуваат илјадници граѓани.

Организирањето на овој собир, кој е планиран како трибина, доаѓа како резултат на автохтона иницијатива на повеќе општински комитети на ВМРО-ДПМНЕ и искажаната енергија што членството ја чувствува по најновите политички настани и потребата од одговор. Не се исклучува можноста овој настан да биде почеток и дел од еден можен карван, кој би продолжил понатаму во повеќе градови низ државата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.