Денеска почнува постепено подобрување на времето. Според МЕТЕОПРО услови за слаб снег ќе има само во планинскиот регион во западниот дел од земјата. Останатите краишта очекуваат умерена облачност со сончеви периоди. Југоисточниот крај може да се надева на нешто подолги и почести сончеви периоди. Кон крајот на денот во поголем дел од земјава очекуваме намалување на облачниот слој.
Минималната температура ќе има вредност околу -2°С низ поголем дел од населените места во западниот регион и околу 1°С во источниот регион. На повисоките места минималната температура ќе има вредност околу -5°С.
Највисоката дневна температура долж течението на Вардар ќе има вредност од 9°С на север до 12°С на југ. Котлините во западниот регион очекуваат највисока температура околу 7°С, а на исток околу 8°С. На повисоките места максималната ќе има вредност околу 3°С.
За скопската котлина „Метеопро“ најавува претежно облачно време со повремени сончеви периоди. Минималната температура ќе има вредност околу 0°С. Максималната температура ќе има вредност околу 9°С.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
