Македонската модна дизајнерка Росица Мршиќ ја создаде првата колекција од новата модна линија „Есеншал колекшн (Essentials Collection). Повод за создавање нова линија е идејата да се понудат модни парчиња на едноставни креации по достапни цени коишто можат да станат дел од секоја женска гардероба.
– Колекцијата е составена од 13 секојдневни парчиња наменети за девојки и жени чиј избор е практична облека со модерен и впечатлив дизајн. Препознатливиот стил е забележлив во секое парче од колекцијата и ќе ги освои современите жени со можноста да го надополнат секојдневниот изглед со лесна доза на екстраваганција – велат од тимот на дизајнерката.
Колекцијата е достапна за купување во студиото на дизајнерката, бутикот „Виа“, „Лотус Дизајн“ продавницата во Сити Мол и преку онлајн порталите на www.bastetnoir.com и Etsy.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
