Според претходните податоци на Државниот завод за статистика, вкупната вредност на извозот на стока од  Република Македонија во јануари 2015 година изнесува 335, 6 милиони долари, а на увозот 422,3 милиони долари. Покриеноста на увозот со извоз е 79,5 проценти. Трговскиот дефицит, во јануари 2015 година, изнесува 86,6 милиони долари.

Трговската размена по производи покажува дека во извозот најголемо е учеството на катализаторите на носачи  со благородни метали или нивни соединенија, фероникелот, сетови на спроводници за палење и слично, за  возила, авиони или бродови, производите од железо и челик (валани производи) и облеката. Во увозот најмногу  се застапени нафтените масла и маслата добиени од битуменозни минерали (освен сурови), платината и  легурите на платина, необработени или во прав, електричната енергија и другите метали од платинската група  и нивните легури, необработени или во облик на прав.

Во јануари 2015 година, најголемо учество во извозот на стока имаат земјите-членки на ЕУ 28 (80,1 процент) и земјите  од Западен Балкан (8,4 проценти, а во увозот на стока најголемо учество имаат земјите-членки на ЕУ 28 (64,6 проценти) и  други земји, на друго место неспомнати (11,2 проценти). Според вкупниот обем на надворешно-трговската размена,  Република Македонија најмногу тргува со Германија, Велика Британија, Бугарија, Кина и Србија (55,3 проценти од  вкупната надворешно-трговска размена се врши со овие пет земји).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.