Едно лице e повредено во сообраќајна несреќа што се случила утрово на магистралниот пат Куманово – Крива Паланка во 6 часот, во атарот на село Псача, Кривопаланечко.
Кумановската полиција информираше дека до сообраќајната несреќа дошло кога 29-годишниот Д.Д. од Скопје, управувајќи „рено трафик“ со унгарски национални ознаки, загубил контрола на возилото и преминал на левата коловозна лента и удрил во „пежо боксер“ управувано од 35-годишниот Г.С. од Крива Паланка. Во моментот на несреќата на патот имало снег.
Возачот Г.С. се јавил на лекарски преглед во Здравствениот дом во Крива Паланка, када што лекар констатирал повреди. Патот бил затворен за сообраќај додека траел увидот, информираат од полицијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
