НБА ѕвезди во кампања за поголеми права на жените

Леброн Џејмс, Стеф Кари и уште некои од најпознатите НБА играчи се бидат вклучени во „Фејсбук“ кампањата за поголеми права на жените.

Кошаркарите ќе снимаат видео пораки кои во текот на следните неколку месеци ќе се емитуваат за време НБА натпреварите во салите и на телевизиските екраните.

Целта е што поголем број мажи да се приклучат во борбата за правата на жените дома и на работа.

– Се очекува кампањата да помогне машката популација да преземе поголема одговорност за домаќинството и згрижувањето на децата, а исто така се залага за еднаквост на жените на работното место, изјави Шели Сандеберг, која е дел од проектот.

Таа верува дека со вклучување на НБА играчите ќе се подигне свеста за овој предизвик кај огромен број љубители на овој спорт.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.