Екипата на Кретеј, за која настапува македонскиот репрезентативен голман Борко Ристовски, продолжува со добрите игри во францускиот шампионат.
Синоќа остварија нова победа на гостински терен против „фенерџијата“ Истрес со 30-26. Натпреварот практично беше решен уште во првото полувреме кога гостите остварија пет гола предност (14-9).
Еден од најзаслужните за третата победа во низа е Борко Ристовски, кој оствари 15 одбрани.
Во последните пет кола екипата на Кретеј не знае за пораз. Има остварено две нерешени средби и три победи и кога би се гледала табелата во овој период, Кретеј би била веднаш за гигантот ПСЖ, кој има остварено една победа повеќе.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
