Нема кворум за бранителите

ДУИ поднесе над 15 000 амандмани на Законот за бранителите

Од поднесените 15 илјади амандмани Комисијата требаше да гласа по 41 амандман. Според Сузана Анова, претседавачот со Комисијата, продолжува да се докажува дека најавената поддршка за законот од пратениците на СДСМ и нејзината коалиција е лажна.

Анова упати апел опозицијата да се врати на работните места во Собранието за да се донесе законот и покрај спротивставањето од ДПА и од ДУИ.

– Приоритет на пратениците од СДСМ во овој момент треба да биде законот за посебните права на припадниците на безбедносните сили, за луѓето коишто го жртвувале својот живот и се уште го ризикуваат својот живот за доброто на граѓаните на РМ, а не борбата за зачувување и продолжување на политичката кариера на еден транзициски политичар како што е Бранко Црвенковски, изјави Анова.

Талат Џафери од ДУИ уште еднаш повтори дека е за донесување закон кој ќе ги опфати сите лица од 2001 година, а ДУИ е против донесувањето на ваков закон и ќе ја искористи секоја можност за негово недонесување.

Од 13 члена на Комисијата шест се од ВМРО-ДПМНЕ, четири од СДСМ и коалицијата, двајца членови се од ДУИ и еден од ДПА.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.