Германската полиција нареди откажување на карневалот што секоја година се одржува во градот Брауншвајг во северниот дел од земјата, поради „специфични закани од исламистички напади“.
Како што јави дописникот на МИА од Берлин, според известувањето на локалните власти, карнелавот што требаше да започне во 11:20 часот е откажан по информациите кои ги добиле соодветни безбедносни извори.
Полицијата од посетителите на карневалот побарала да не одат на планиранта парада во Брауншвајг, што се одржува за време на карневалската сезона организаирана од Католичката црква.
Засега нема информации за поврзаност меѓу заканите од Брауншвајг и вчерашните напади во Данска, што се случија само еден месец по исламистичките напади во Париз во кои загинаа 17 луѓе.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
