Најниска температура во 7 часот изутрината во Македонија е измерена во Маврово од 11 степени целзиусови, 8 Крушево и Лазарополе, 7 Берово, 6 Кр.Паланка, 5 Охрид, Битола и Претор, 3 Прилеп и Виница, 2 Тетово, Штип и Демир Капија и 1 Кавадарци и Куманово.
Во Скопје, Петровец и во Струмица температура од 0 степени, на Зајчев рид во Скопје и во Дојран 1, а во Гевгелија 2 стапени, соопшти Управата за хидрометеоролошки работи.
На Маврови Анови има снежна покривка од 66 сантиметри, од 43 во Лазарополе, 37 Крушево, 11 Битола, 8 Пожаране, 3 Тополчани и 1 во Берово.
Времето денеска ќе биде сончево со мала до умерена облачност. Ќе дува умерен на места засилен ветер од северен правец. Максималната температура ќе биде во интервал од 1 до 8 степени. Во Скопје сончево со мала до умерена облачност и со умерен до засилен северен ветер. Температурата ќе достигне до 4 степени.
Според УХМР, во наредните денови следува период на стабилно и суво време. Утринската температура на повеќе места ќе биде под нулата, а од петок температурите ќе бидат во пораст. За време на викендот, особено во утринските часови по одделни котлини ќе има услови за појава на магла.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
