САД поднесоа обвиненија за шпионажа против руски банкар, соопштија извори од Федерален суд во Њујорк.
Според обвинителниот акт, кој се состои од две точки, Евгениј Бурјаков и уште двајца руски државјани, кои се дипломати на пониско ниво, создале шпионска мрежа. Таа функционирала од 2012 година, па се до минатиот месец и собирала доверливи економски информации за евентуални американски санкции против руски банки.
Бурјаков работел во филијала на руската Надворешноекономска банка во Менхетен.
Обвиненија се покренати и против двајцата дипломати, но тие се вратиле во Русија и се заштитени со имунитет.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
