Нивото на реката Вардар во Велес денеска се повлекува и нема опасност од повторно излевање. Како што информираат од Регионалниот Центар за справување со кризи, отстранети се гранките околу носечките столбови на велешките мостови.
– Синоќа околу 20 часот беше исчистен мостот на реката Вардар кај Башино село, кој е на еден од влезовите во Велес и повторно е пуштен во сообраќај, информира Влатко Добревски, дежурен во Регионалниот центар за справување со кризи.
Поради поплавите во велешката населбата Речани, лоцирана кај во бавчите во непосредна близина на градот, а покрај реката Вардар, вчера со излевањето на реката беа поплавени десетина куќи во населбата. Веднаш потоа осум лица беа евакуирани од нивните домови во соработка на Кризниот штаб и екипи на општина Велес.
– Поради поплавите од вчера нема електрична струја во велешките населби Шорка и Речани. На отстранување на дефектот работат екипи на ЕВН Велес и попладнево се очекува нивните домови да бидат вклучени повторно во електромрежата, потенцира Добревски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
