Во изминатите 24 часа на подрачјето на Скопје сообраќајната полиција извршила увид на три сообраќајни незгоди во кои со повреди се здобиле возач на патничко моторно возило, сопатник и патник во автобус.
Санкционирани се и 22 возачи кои не го почитувале ограничувањето на брзината на движење, од кои седум возачи се движеле со брзина поголема од 90 километри на час во населено место, шест возеле под дејство на алкохол и се исклучени од сообраќај и 22 не користеле безбедносниот појас или зборувале на мобилен телефон.
Со помош на специјалното возило „Пајак“ во текот на изминатиот ден од страна на сообраќајната полиција се отстранети 75 возила кои го попречувале нормалното одвивање на сообраќајот.
За денеска не се најавени вонредни настани со што се очекува сообраќајот да се одвива тековно и според постојната сообраќајна регулатива.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
